منتديات عشق البداوه

منتديات عشق البداوه


 
الرئيسيةالتسجيلدخول

شاطر | 
 

  قصيده الضييقه >> محمد بن فطيس المري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
el5gaga

avatar

عدد المساهمات : 234
تاريخ التسجيل : 03/07/2010
العمر : 22
الموقع : دم القبايل

مُساهمةموضوع: قصيده الضييقه >> محمد بن فطيس المري    الخميس يوليو 08, 2010 10:45 am

السلام عليكم ورحمة الله وبركاته <<
كيف الحااااااااااال <<

الضيقه اللـي دايمـاً تالـي عصيـر=وش حيلتـي واردّهــا لا تجيـنـي

لاطال ظل العود حزة عشـى الطيـر=كنها علـى سجـن الحديـد تحدينـي

يضيق صدري كل ما جـات واسيـر=ولا يخفـف سـوج رجلـي حنينـي

لاحولنـا مشـراف ولا اقـدر اطيـر=يالله قسـمـة خـيـر لا تبتليـنـي

وعقارب الساعه توقف عـن السيـر=ولاكن في الدوحـه سواتـي حزينـي

والعبره اللي تاصـل الحلـق وتحيـر=ياقربها لـو قيـل لـي ( ياعوينـي)

امل شـوف النـاس وردّ ومصاديـر=واللي يقـول اشفيـك كنـه يهجينـي

يعني على ماقيل مـن بـاب تصويـر=(لاحد ٍ ابي قربـه ولا احـد ٍ يبينـي)

اروح ادوّر( خط) ما بـه( دواويـر)=وادوّر الـلـي هـادهـا تهـديـنـي

واخذ مع الهاجوس سجه وتفكيـر=واراجـع اللـي فـات بينـي وبينـي

واحسّـب ذنـوبـي وادوّر لتكفـيـر=وعسـاي ماقصـرت فـي والدينـي

وعساي ماقارنت مـن ينفـخ الكيـر=واللي يحمل المسـك جعلـه قرينـي

ويطري علي يـوم الحشـر واطلـب=مجير ما اعطى كتابي في شقيقة يميني

ويطري على صدقان كثـر الدنانيـر=اللـي تعادينـي الـى كثـر ديـنـي

وراع الهروج اللي سوات المناشيـر=اصـد عنـه وادري انـه يعنيـنـي

الله حسيبه يـوم عـرض القواريـر=والله حسبي من صـواب مكينـي

والى طرالـي واحـد ٍ كانـه صغيـر=امـا اصغـر بيوميـن ولا سنيـنـي

دريت وش قومـي وعينـت تفسيـر=للضيقه اللـي مـن زمـن تعترينـي

حبه بصدري سالفة سـر فـي بيـر=وكـن الفـواد يقـول هـذا زبينـي

اشفق على علم ٍ يجي منه من غيـر=مايسمع اللـي سولفـوا بـه ونينـي

العام اجيهم مـن حسـاب المساييـر=واليوم حـال عـداي وينـه ووينـي

ياكثرهم غيـره ولكـن خبـر خيـر=ماغير شوفه فـي الوجـود يهنينـي

رايـي كـذا ياعاشقيـن الغنـاديـر=ماله علـى وجـه البسيطـه وزينـي

خطاي تعليـق الامـل فـي المدابيـر=إليـن راح وشفـت حقـري بعينـي

صبر جميـل وخابـر انهـا مقاديـر=والله على تخفيـف حزنـي عوينـي


ذي حالتي لين اتغبا الشمس واصيـر=معطى صراحي عقب ما انـا سجينـي

والى امتلا جوف الشجـر بالعصافيـر=طلبـت مـن رب العبـاد يهديـنـي


يعتقني المذن عقب ضيقـة عصيـر=اللي علـى سجـن الفـراق تحدينـي
الرجوع الى أعلى الصفحة اذهب الى الأسفل
http://3-albdawh.yoo7.com/profile.forum?mode=editprofile&pag
عشق بدوي

avatar

mms
عدد المساهمات : 416
تاريخ التسجيل : 30/03/2010

مُساهمةموضوع: رد: قصيده الضييقه >> محمد بن فطيس المري    الأحد أكتوبر 03, 2010 11:37 pm

تسليميين ع القصييده .,. ناايس
الرجوع الى أعلى الصفحة اذهب الى الأسفل
 
قصيده الضييقه >> محمد بن فطيس المري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشق البداوه :: ¬°•| :: المجـالـس الادبيه :: |•°¬ :: | | بـgح القِصيد و الخوآطر ~-
انتقل الى: