واقلبي اللي محرقه واهج النـــــار
والدمع من عيني تصب وتهله
قلبي على الغالي من الحزن منهار
تقول في جوفه شبوك تتلـــــــــه
عليك يالمحبوب ياوافي الاشبــــار
حتى ولو انه مضى منه زلــــــــه
ستر على العاده ولايذي الجــــــار
لوجاره من الهرمايملـــــــــــــه
في موقفه يصمد ويقلط على النار
وعليه مقلاط العدو مايزله
على حقوق الناس ماهوب جوار
واللي عليه المشكله فازعن له
من شبته يمشي على درب الاخطار
درب الشجاعه والوفا منهج له
حار الطبيب وضيعوا فيه الافكار
ورضى له المولى باللي قاسمن له
جاه الرحيل وجاه سبسور الاقدار
ياليت صار من الخمايم فدا له
ياعل مثواه بجنات الانهار
ولعل حوض المصطفى مشرب له
وينبت على قبره بختري ونوار
والغيث جعله كل يوم يعله
يعيش من ياخذ مع الطيب مشوار
ويعيش مع درب الكرم مسلك له
ابن الشقير الله يجيره من النار
عند الضروره بالوفا مخلص له
ياعل تبطي عنه قصفات الاعمار
وكل الصديق اللي يجي عاني له
ارجي من المعبود علام الاسرار
يعين من حقه بعد مقبل له
خواطر رثاء لا ترحلين يا امي
قصيدة الامير خالد الفيصل في رثاء والده
موضوع: قصيدة هالة العتيبي في رثاء اخوها 
الإثنين يونيو 28, 2010 1:28 pm
